Milani mëson nesër fatin e tyre

18:11 | 19 Korrik 2018
Arbresh Info

Milani do të mësoj nesër fatin e tyre nga Gjykata e Arbitrazhit Sportiv (CAS) pas apelimit të vendimit për largim nga Evropa Liga.

Milani është pritur të pranoj sot (e enjte) një përgjigje nga CAS, por vendimi është shtyrë për nesër pas orës 11 në mëngjes, transmeton portali arbresh.info.

Agjencia e lajmeve ‘ANSA’ shpjegon se “kompleksiteti i kësaj çështje” detyroi shtyrjen e vendimit pas dëgjimit që zgjati shtatë orë.

UEFA përjashtoi “Rossonerët” nga Evropa Liga për shkelje të rregullave nga FFP si dhe pas dyshimeve ndaj aftësive për të kryer pagesat nga pronari Yonghong Li.

Qysh pas këtij rasti, ata janë marrë përsipër nga fondi amerikan Elliott Management, të cilët i huazuan Li-së kapitalin për të finalizuar blerjen e tij në prill të vitit 2017./arbresh.info/